Një person me inicialet S.S. është arrestuar në pikën kufitare mes Kosovës dhe Serbisë në Merdare, nën dyshimin për krime lufte kundër popullsisë civile.
Sipas njoftimit të Prokurorisë Speciale dhe Policisë së Kosovës, ai dyshohet se gjatë luftës së fundit në Kosovë ka kryer veprën penale “krime lufte kundë popullsisë civile” në Komunën e Vushtrrisë.
Ai është ndaluar për 48 orë, ndërsa brenda afatit ligjor Prokuroria do të paraqesë kërkesë për caktimin e masës së paraburgimit në Gjykatën Themelore të Prishtinës.
Prokuroria nuk e ka bërë të ditur nacionalitetin e të arrestuarit.
