Presidenti Donald Trump të hënën ka rritur presionin mbi Rusinë që të ndalë luftën e saj në Ukrainë, duke thënë se do të vendos një afat të ri prej 10 deri në 12 ditë mbi Moskën për ta bërë një gjë të tillë, bën të ditur agjencia e famshme e lajmeve Reuters.
Trump, që aktualisht po qëndron në Skoci, tha më herët se do ta shkurtojë afatin 50-ditësh që ia kishtë vendosur Putinit pasi ai është shumë i zemëruar me Presidentin rus.
“Do ta vendos një afat të ri rreth… 10 ose 12 ditë nga sot”, tha për media Trump. “Nuk ka arsye të presim… ne thjesht nuk po shohim asnjë progress”.
Nuk ka pasur ndonjë reagim zyrtar nga Kremlini.
“Kur e di përgjigjen pse të prisësh? Dhe do të ishin sanksione e ndoshta tarifa, tarifa dytësore”, tha Trump. “Nuk dua t’ia bëj atë gjë Rusisë. E dua popullin rus.” Por, ai tha se është i zhgënjyer me Putinin dhe se nuk do e pres më, pasi e di përgjigjen e liderit rus.
