Polonia ka aktivizuar nenin 4 të NATO-s të mërkurën që tu hapë rrugë konsultimeve me aleatë disa orë pasi forcat e armatosura të saj kanë rrëzuar disa dronë rusë që kishin shkelur hapësirën ajrore [polake.
“Rrëzimi i dronëve kërcënues ndaj sigurisë sonë është një sukses për forcat polake dhe ato të NATO-s, gjë që e ndryshon situatën politike”, ka thënë kryeministri polak Donald Tusk.
“Në këtë kuptim, konsultimet me aleatë kanë marrë formën e një kërkesë formale për të aktivizuar nenin 4 të Traktatit të Atlantikut të Veriut”, shtoi ai. Vendimi u mor pas konsultimeve me presidentin Karol Nawrocki.
Neni 4 i NATO-s jep mundësinë për konsultime të përbashkëta mes aleatëve të NATO-s “kurdo që, në opinionin e tyre, integriteti territorial, pavarësia politike ose siguria e cilësdo nga palët është e kërcënuar”.
