Ndërprerja e dytë e aktivitetit ushtarak nga Izraeli ka filluar në disa pjesë të Gazës për të lejuar dërgesa të ndihmave.
Ndërprerja vie pasi agjenci të ndihmave paralajmëruan vdekje masive nga uria, këtë të diele, ndërsa Organizata Botërore e Shëndetësisë tha se kequshqyerja ka arritur “nivele alarmante”.
OKB ka mirëpritur masat e reja për ndihmat, për të cilat tha se përfshijnë edhe “largimin e barrierave doganore” në ndihmat nga Egjipti, si dhe rrugë të sigurta për konvojet.
Por, gjithashtu tha se ky veprim duhet të jetë i qëndrueshëm dhe se nuk duhet të ketë tjera sulme mbi njerëz që marrin ndihma ushqimore.
Disa ndihma janë dërguar në Gaza edhe nga ajri në fundjavë, por ishte vetëm një pjesë e vogël e nevojave ditore të gazanëve.
