Armë, municion e pajisje të tjera ilegale janë gjetur sot në Mitrovicë te Veriut, ka njoftuar Policia e Kosovës nëpërmjet një postimi ne Facebook.
Policia, nëpërmjet komunikatës, ka njoftuar se sasia e armatimit është gjetur në një podrum në afërsi të Sheshit “Car Lazar”.
“Më datën 27.09.2025, stacioni policor në Mitrovicë Veri, në bashkëpunim me zyrtarë nga Drejtoria për Hetimin e Trafikimit me Narkotikë (DHTN), kanë pranuar informacion se në një podrum të një ndërtese afër Sheshit “Car Lazar” në Mitrovicë të Veriut mund të gjendeshin gjëra të kundërligjshme”, shkruhet në njoftimin e Policisë.
Gjatë kontrollit, janë gjetur e pastaj janë konfiskuar “1 pushkë automatike, 1 pushkë gjahu, 50 fishekë, 1 kondak pushke, 1 palë pranga, 1 mbajtës pushke, 1 maskë kundër helmeve me çantën e saj, 1 këllëf arme, 5 karikatorë të zbrazët”.
