Presidenti amerikan, Donald Trump, më në fund i është drejtuar Rusisë si agresori në luftën kundër Ukrainës, duke demonstruar edhe më tutje forcimin e pozicionimit të tij kundrejt Moskës, raporton Politico.
Duke iu referuar humbjeve të trupave ruse dhe ukrainase, Trump u ka thënë gazetarëve “8 mijë ushtarë kanë vdekur këtë javë, nga të dyja vendet. Disa më shumë nga Rusia, por kur je agresor, humb më shumë”.
Më parë, Trump refuzoi të dënonte Moskën për pushtimin, ne administratën e tij që kaloi në anën e Rusisë dhe Koresë së Veriut në shkurt për të refuzuar një mocion të OKB-së, i cili mbështeste integritetin territorial të Ukrainës. SHBA-të po ashtu kundërshtuan një deklaratë të G7 që e quante Rusinë agresor në shkurt. Trump e kishte akuzuar Ukrainën për luftën, duke thënë në prill: “Nuk fillohet një luftë kundër dikujt 20 herë më i madh se ti dhe pastaj të shpresosh që njerëzit të të japin raketa”.
Por, qëndrimi i Trump kundrejt Kremlinit ka ndryshuar përgjatë verës, me administratën e tij që ka zgjeruar presionin mbi Vladimir Putin, ndërsa presidenti rus po bllokon përpjekjet e Trump për të përfunduar diskutimet me presidentin ukrainas, Volodymyr Zelensky.
