Qeveria amerikane ka mbyllur shumë nga operacionet e saj të mërkurën ndërsa ndarja partiake nuk ka lënë hapësirë për një marrëveshje mes Kongresit dhe Shtëpisë së Bardhë për financim, duke nisur kështu një mosmarrëveshje që mund të jetë e gjatë e që mund të çojë në humbjen e mijëra vendeve pune federale.
Nuk ka ndonjë rrugë të qartë se si të dilet nga ky ngërç, ndërsa agjencitë shtetërore kanë paralajmëruar se mbyllja e 15-të e qeverisë që nga 1981 mund të ndalë publikimin e një raporti të punësisë të shtatorit, ngadalësojë udhëtimin ajror, pezullojë hulumtime shkencëtare, ndalojë paga për ushtarët e SHBA-së e mund të çojë në pushim të papaguar për 750 mijë punëtorë me një çmim ditor prej 400 milionë dollarë.
Mbyllja u njoftua disa orë pasi Senati refuzoi një masë të përkohshme shpenzimesh që do të mbante në funksion operacionet qeveritare deri më 21 nëntor.
