Presidentja e Kosovës, Vjosa Osmani, e ka mbrojtur Kryetarin e Kuvendit, Dimal Basha, në lidhje me punimin shkencor të tij, në të cilin kriminalizohet UÇK-ja, duke thënë se ai ia ka konfirmuar respektin që ka për UÇK-në.
“Nuk e kam lexu ende, i kam dëgju shqetësimet dhe besoj që përgjigja që ai e ka dhënë është përgjigja të cilën duhet ta merrni, sepse si presidente e vendit nuk kam mundësi me u marrë me punimet të cilat politikanët e Kosovës i kanë bërë në kohën kur kanë qenë student”, tha Osmani në një konferencë për media të martën pasi që u pyet nga VOX Kosova.
“Si Kryetar i Kuvendit, Basha vazhdimisht ma ka konfirmuar respektin e plotë dhe të madh për sakrificën e popullit të Kosovës që është bërë për liri, për luftën e drejtë të UÇK-së dhe natyrisht që ne do të bashkëpunojmë për mbrojtjen e kësaj lufte nga dezinformi dhe propaganda e vazhdueshme serbe dhe nga pretendimet për ta rishkruar historinë”, shtoi.
