Ka vdekur dizajneri italian i modës, Giorgio Armani, sipas një njoftimi zyrtar të kompanisë këtë të enjte.
“Me dhimbje të pambarim, Armani Group njofton se ka ndërruar jetë krijuesi i saj, themeluesi, dhe forca e palodhur: Giorgio Armani”, ka shkruar shtëpia e famshme e modës në një deklarim.
Armani, që ishte 91 vjeç, ka qenë sinonimi i elegancës dhe stilit modern italian. Ai kombinoi të qenurit dizajner mode dhe biznesmen, duke udhëhequr një kompani më profite deri në 2.3 miliardë euro në vit.
I njohur si “Re Giorgio” – Mbreti Giorgio, dizajneri ka qenë i njohur për mbikëqyrjen e çdo detaji të koleksionit dhe biznesit të tij, që nga reklamimi deri tek rregullimi i flokëve të modeleve para sfilatave.
