Presidentja, Vjosa Osmani ka kërkuar heqjen e masave të Bashkimit Evropian kundër Kosovës në takimin që sot (e hënë, 08 dhjetor) ajo pati me Presidentin e Hungarisë, Tamas Sulyuok. Sipas Osmanit, mbështetja e Hungarisë në këtë drejtim “është thelbësore për vendin”.
“Në takimin bilateral me Presidentin Sulyok përsërita se mbështetja e Hungarisë për heqjen e masave të padrejta të BE-së, është thelbësore. Integrimi euro-atlantik i vendit tonë është në dobi të të gjithë qytetarëve tanë, të rajonit dhe të gjithë kontinentit evropian”, shkroi Osmani.
Bashkimi Evropian kishte vendosur masat ndëshkuese ndaj Kosovës në vitin 2023. Këtij vendimi i kishte paraprirë rritja e tensioneve në veri të vendit kur kryetarët e rinj shqiptarë nisën punën e tyre, pas Zgjedhjeve që u bojkotuan nga serbët lokalë.
