Zyrtari i lartë i Hamasit, Taher Nunu, ka deklaruar sot se gjatë diskutimeve në Egjipt janë shkëmbyer lista të ‘të burgosurve’ që pritet të lirohen nga të dy palët, bazuar në kriteret dhe numrat e akorduar.
Duket se kjo ka të bëjë me listat e pengjeve, që Hamasi i quan të burgosur, si dhe me ato të të burgosurve të Izraelit që po vuajnë dënime me burgim të përjetshëm në burgjet izraelite.
Nunu ka shtuar se diskutimet janë të fokusuara në mekanizma për të përfunduar luftën dhe tërheqjen e forcave të Izraelit nga Rripi i Gazës, duke thënë se “ndërmjetësit po bëjnë përpjekje serioze për të larguar çdo pengesë në implementimin e armëpushimit dhe se ka një shpirt shumë optimist tek të gjithë”.
Në një qëndrim zyrtar të Hamasit lëshuar në kanalet zyrtare të grupit terrorist është shkruar se Nunu vetë është në Sharm el-Sheikh, ku po zhvillohen diskutimet.
