Kryeministri ukrainas Denys Shmyhal ka njoftuar këtë të martë se ka dorëzuar zyrtarisht letrën e dorëheqjes nga pozita kryesore në ekzekutivin e vendit. Kjo vjen si rezultat i ripërbërjës më të madhe të Qeverisë që prej kur ka filluar lufta.
Ndërkaq, Presidenti Volodymyr Zelenskiy të hënën ka nominuar zëvëndësen e parë të Shamyl për ta zëvendësuar atë, si Kryeministrja e re e vendit. Yulia Svyrydenko deri tani ka ushtruar detyrën e ministres së ekonomisë dhe është një partnere e afërt politike e Zelenskiyt.
Denys Shmyhal ka mbajtur pozitën e Kryeministrit prej Marsit 2020. Ai tani pritet të emërohet Ministër i Mbrojtjes, ka thënë Zelenskiy.
