Prokuroria Speciale e Kosovës do të dorëzojë të premten në Gjykatë aktakuzë për dëbimin e popullsisë civile nga territori i Kosovës, gjatë periudhës së luftës së fundit.
Lajmi është bërë i ditur nga Prokuroria Speciale, e cila ka njoftuar se për këtë do ta mbajë edhe një konferencë për media duke filluar nga ora 11:00, në objektin e zyrës së Kryeprokurorit të Shtetit.
Në luftën e fundit në Kosovë, regjimi i Presidentit të Serbisë, Slobodan Millosheviç – i njohur ndryshe si “Kasapi i Ballkanit” – dëboi dhunshëm rreth 1 milion shqiptarë nga Kosova.
