E keni parë në VOX Kosova fotografinë e publikuar të Mimoza Kusari-Lilës me një politikane serbe, fashiste e agresive kundrejt shqiptarëve, Sandra Rashkovic Iviç, e bija Jovan Rashkoviç-it, i cili, përveçse njihet për aplikim të elektroshokut ndaj grave kroate për eksperimente perverse dhe kënaqësi personale, ishte edhe bashkëudhëtar i pandashëm i kriminelit të luftës, Radovan Karaxhiç.
Rashkoviç njihet mirë edhe sesi përmes pamfletëve të tij kishte ushqyer urrejtjen e serbëve për popujt e tjerë në Jugosllavi.
Kurse e bija, shoqja e Mimozës, e inspiruar nga babai, ishte e angazhuar edhe në kompletimin e dosjes së shtetit serb kundër UÇK-së, e cila përfundimisht u publikua si raport i Dick Marty-it.
Dobësia patologjike e Mimoza Kusarit ndaj fashistëve dhe kriminelëve serbë nuk është as lapsus i saj e as befasi për ne; ajo është simptomë e një deformimi të thellë moral dhe politik. Jemi dëshmitarë të gjithë se si në komunikimet me Milan Radojiçiç-in, ajo u vetë-reduktua në një të nënshtruar, duke i raportuar me servilitet figurës së padronit.
Për mua befasi nuk janë as temat që i diskutoi në takimin e saj në Zvicër me përfaqësues të Listës Serbe e të Qeverisë së Serbisë, kur flet me ta deri edhe për amnistim të terroristëve që sulmuan shtetin e vranë polic të Kosovës.
Me e rëndë se të gjitha këto bashkë, është mënyra se si Mimoza Kusari-Lila i ka reaguar këtij lajmi.
Ajo, duke konfirmuar këtë takim me krimin, në fund të statusit të saj, në të cilin jo kërkim falje, po s’ndjen nevojë as për shfajësim e shpjegim, thotë: Ju falënderoj për besimin e madh që i keni dhënë koalicionit të Lëvizjes VETËVENDOSJE! në zgjedhjet e fundit.
Pra, a e kuptoni. Mimoza Kusari-Lila e vetëzhveshur krejtësisht nga dinjiteti shihet se nuk ka as kompas moral e as kurrfarë busulle vlerash.
E vetmja matje që e bën Kusari-Lila është me sasinë e votave që i merr.
Derisa vazhdon t’ia hedhe popullit dhe t’ua rruajë votën, gjithçka në rregull.
Meqë s’ka trohë ndërgjegje dhe është rehat sepse e ka normalizuar të krimbjen personale e kombëtare ajo nuk ndjen as nevojë bazike morale për të dhënë qoftë edhe një jusfitikim miniaml për ecjen e turpit krahpërkrahë me fashizmin serb.
Por, siç do na thoshte vetë ajo, derisa merr vota edhe kështu, pse jo.
