Presidentja e Kosovës, Vjosa Osmani, ka njoftuar se është takuar me ambasadorin e Gjermanisë, Jorn Rohde, me të cilin ka biseduar për procesin e konstituimit të institucioneve të vendit.
“Presidentja ka riafirmuar se sikurse gjithmonë, do të veprojë në përputhje të plotë me Kushtetutën dhe ligjet në fuqi, duke garantuar stabilitetin institucional dhe respektimin e vullnetit të qytetarëve të Kosovës”, thuhet në njoftimin e presidencës.
Sipas njoftimit, në takim Osmani vlerësoi bashkëpunimin e ngushtë me Gjermaninë dhe partneritetin e palëkundur ndërmjet dy shteteve.
