Rusia ka lansuar qindra dronë dhe raketa ndaj Kievit dhe pjesëve të tjera të Ukrainës këtë të diele në mëngjes, duke lënbë kështuy të vdekur katër persona e duke lënduar një duzinë të tjerë, në një nga sulmet më të mëdha që nga fillimi i luftës.
Ushtria e Ukrainës ka thënë se Rusia ka lëshuar diku rreth 600 dronë dhe 48 raketa përgjatë natës, ndërsa sistemet mbrojtëse kundërajrore të saj kanë arritur të ndalojnë 568 dronë dhe 43 raketa. Ushtria ka theksuar faktin se shënjestra kryesore e këtij sulmi ka qenë kryeqyteti i Kievit.
Presidenti ukrainas, Volodymyr Zelenskyy, ka thënë se sulmi ka zgjatur për mbi 12 orë dhe ka shkaktuar dëm të madh në një klinikë kardiologjie, fabrika dhe ndërtesa banesore.
Ai ka ripërsëritur thirrjet ndaj komunitetit ndërkombëtar për të vepruar prerazi në prerjen e pikave furnizuese me energji të Rusisë. Ukraina deri tani ka dështuar ta bind presidentin amerikan, Donald Trump, që të vendosë sanksione të reja e më të rënda mbi Moskën.
