Presidentja Vjosa Osmani ka shprehur “keqardhje dhe shqetësim” për vendimin e Shteteve të Bashkuara të Amerikës për pezullimin e Dialogut Strategjik me Kosovën. Në një reagim, Presidenca tha se ky proces ka qenë “mekanizëm i rëndësishëm i bashkëpunimit mes dy vendeve”.
“Dialogu Strategjik u iniciua nga Presidentja në vitin 2021, përmes një propozimi të adresuar Presidentit të Shteteve të Bashkuara të Amerikës. Ky propozim i Presidentes u rikonfirmua në qershor 2022, me anë të notës verbale dhe gjatë takimit me Sekretarin Amerikan të Shtetit, në korrik të po atij viti”, rikujtoi Presidentca në deklaratë.
Presidenca në deklaratë tha gjithashtu se do të angazhohet që ky dialog të rifillojë sa më shpejt.
