Pasi që i sulmoi e ofendoi, duke i quajtur edhe “njerëz të pashkollë” e “qenie të verbra”, Edi Rama, Kryeministër i Shqipërisë, i ka ftuar mëngjesin e së martës studentët protestues për dialog.
Rama ka vendosur disa karrige pranë ndërtesës së Kryeministrisë, në të cilat qëndron nga një letër me mbishkrimin dialog.
“Tani kushdo dialog pa kushte, ku të dojë, kur të dojë edhe këtu po të dojë unë jam në dispozicion së bashku me Qeverinë”, tha Rama.
Të vetmit që nuk janë të mirëpritur, Rama tha se janë ata “që bëjnë dhunë dhe ata që nuk distancohen nga dhuna”.
Studentët në Shqipëri janë duke protestuar që nga e marta e javës së kaluar.
Ata po protestojnë kundër rritjes së kostove të arsimit dhe kundër korrupsionit qeveritar. Por, kërkesa kryesore e tyre është dorëheqja e Kryeministrit Edi Rama.
Protestat e dhunshme të studentëve vijnë pas disa muajsh demonstratash paqësore, të cilat kundërshtonin ndërtimin e një resorti luksoz në bregdetin jugor të Shqipërisë nga Jared Kushner, dhëndri i Presidentit të Shteteve të Bashkuara të Amerikës, Donald Trump.









