Ministri në detyrë i Financave, Hekuran Murati, ka refuzuar të përgjigjet kur është pyetur nga VOX Kosova lidhur me emërimin e ish-kandidatit të Lëvizjes Vetëvendosje për deputet, Mentor Hysenit, në pozitën e Drejtorit të Administratës Tatimore të Kosovës (ATK).
“Po besoj se mund t’i dërgoni pyetjet dhe me kënaqësi do t’ju përgjigjemi, por këtu besoj se tema është tjetër. Jemi në Kuvend dhe fjala është për seancën konstituive”, tha Murati në një konferencë për gazetarë në hollin e Kuvendit të Kosovës.
Më 13 gusht, Mentor Hyseni u emërua Drejtor i Administratës Tatimore të Kosovës (ATK). Ai ishte anëtarësuar në Lëvizjen Vetëvendosje në gusht të vitit 2019. Prezantimin e tij e kishte bërë kryeministri Albin Kurti, njëherësh kryetar i VV-së.
