Presidenti kinez, Xi Jinping, dhe homologu i tij rus, Vladimir Putin, kanë filluar bisedimet e tyre bilaterale në Beijing, në vigjilje të një parade masive ushtarake në kryeqytetin e Kinës.
“I dashur shok, unë dhe i gjithë delegacioni i Rusisë janë të lumtur të takohemi edhe një herë me shokët dhe kolegët tonë kinezë”, i tha Putin presidentit kinez, në një video të publikuar në llogarinë zyrtare të Kremlinit në Telegram.
“Komunikimi ynë i ngushtë reflekton natyrën strategjike të marrëdhënieve Rusi-Kinë, që janë në një nivel të paprecedent”, shtoi Putin.
“Ne kemi qenë gjithmonë bashkë dhe qëndrojmë bashkë edhe tani.”
Xi i tha Putinit që “Marrëdhëniet Kinë-Rusi i kanë qëndruar testit të ndryshimeve ndërkombëtare” – duke shtuar që Beijingu është i gatshëm të punojë me Moskën për të “promovuar ndërtimin e një sistemi më të drejtë dhe të arsyeshëm të qeverisjes globale”.
Xi pritet të mbajë paradën më të madhe të Kinës ndonjëherë, në shënim të përvjetori të 80-të të dorëzimit të Japonisë ndaj Kinës në fundin e Luftës së Dytë Botërore.
Në maj, Xi ngjashëm vizitoi Moskën për festën e Rusisë në shënim të mposhtjes së nazistëve.
