Punëtorët e vërtetë të “NOA Energy Trade” janë deputetët e Vetëvendosjes.
Ata që ikin kur pyeten nga gazetari për skandalin e kësaj kompanie me qarkullim 357 milionë euro, me dy punëtorë e me seli si kioskë.
Që thonë se s’kanë infomacion e të tjerë e mbrojnë duke thënë se “ky nuk është skandal, por interpretim i gazetarit”.
Këta janë individët që përbëjnë strukturën shtetërore që e mban funksionale kompaninë “NOA Energy Trade”.
Pushteti i ka mbyllur dyert për gazetarët e i ka hapur për NOA-n me seli të falsifikuar, e cila deri në fund të këtij viti do të ketë gjysmë miliard euro qarkullim.
Dhe si? Duke e shitur mbi 200 për qind më shtrenjtë rrymën. Kujt? Shtetit më të varfër në Evropë.
