Ish-Kryetari i Organizatës së Veteranëve të dalur nga Lufta e UÇK-së, Faton Klinaku, ka thënë se nuk do ta heq postimin ndaj Kryeministrit në detyrë, Albin Kurti, për të cilin po akuzohet nga institucionet e drejtësisë për kanosje.
“Sa i përket aktakuzës konsideroj që kurrfarë vepre penale nuk ka. Dhe postimin tim që ka qenë i përsëritur figuron ende, para dy vitesh që e kam postuar në Facebook edhe nuk e heq sepse nuk ka vepër penale”, ka thënë Klinaku pas seancës gjyqësore.
Ndryshe, Kurti ishte i pranishëm në Gjykatën Themelore të Prishtinës, ku u mbajt seanca për kanosje ndaj tij.
