Hysni Gucati është kthyer sërish në qytetin ku bëri disa vjet burg. Kryetari i Organizatës së Veteranëve të Luftës së UÇK-së, ka vizituar sot ish-krerët e Ushtrisë Çlirimtare të Kosovës të cilët po mbahen në paraburgim në Dhomat e Specializuara të Hagës.
Sipas njoftimit të OVL të UÇK-së, përmes kësaj vizite, Gucati ka shprehur mbështetjen dhe solidaritetin e vazhdueshëm të OVL-UÇK-së për luftëtarët e lirisë që po përballen me një proces të padrejtë dhe politik.
“Nuk do të ketë kurrë drejtësi të plotë pa drejtësi për UÇK-në. Lufta jonë ka qenë e pastër dhe e drejtë, dhe kjo e vërtetë nuk shuhet kurrë”, thuhet më tej në njoftim.
