Ambasadori amerikan në Izrael, Mike Huckabee, thotë se ka kërkuar nga autoritetet izraelite ‘hetim agresiv’ mbi vrasjen e një palestinezo-amerikani në Bregun e pushtuar Perëndimor.
Sayfollah Musallet, njohur gjerë si Saif – një 20 vjeçar me shtetësi të dyfishtë nga Florida – u rrah për vdekje nga izraelitë të vendosur në qytezën e Sinjil të premtën mbrëma, sipas Ministrisë palestineze të Shendetësisë.
Pas një periudhe pa reagim zyrtar nga ShBA-të, Huckabee – një mbeshtetës i paepur i vendosjes së Izraelit në territore palestineze – e ka përshkruar ngjarjen si “një akt kriminal dhe terrorist”.
“Dikush duhet të marrë përgjegjësi,” shkroi ai në një postim në X. “Saif ishte vetëm 20 vjeçar.”
