Ish-diplomati amerikan, Christopher Hill, ka nisur dëshminë e tij në Gjykatën Speciale, si dëshmitar i mbrojtjes në gjyqin ndaj ish-krerëve të Ushtrisë Çlirimtare të Kosovës.
Dëshmia e Hill-it, pritet që të zgjasë deri në ora 17:00.
Hill ka qenë i përfshirë aktivisht gjatë luftës në Kosovë në përpjekje për të arritur një marrëveshje për paqe. Ai ka marrë pjesë edhe në bisedimet në Rambuje.
Hill ka shërbyer edhe si ambasador i Shteteve të Bashkuara të Amerikës në Maqedoni, Serbi e vende të tjera dhe ka qenë edhe i dërguar special i SHBA-ve gjatë luftës në Kosovë.
Hill njihet si një prej zërave më autentikë për UÇK-në.
Para tij, në anën e mbrojtjes kanë dëshmuar James Rubin, Paul Williams, John Duncan dhe Jock Covey.
Dëshmitë e mbrojtjes – që shënojnë edhe fundin e seancave – do të mbyllen me paraqitjen e ish-komandantit të NATO-s gjatë kohës së luftës në Kosovë, Wesley Clark.








