Duke i qëndruar besnik teorisë së kahershme të tij se popullit duhet shpërndarë thashetheme, Albin Kurti, në një paraqitje të rrallë televizive, tentoi që të krijonte idenë se politikanë të caktuar kanë amnistuar kriminelë serbë me Ligjin për Amnisti, i miratuar në vitin 2013.
Por, e vërteta është krejt diçka tjetër. Larg nga ajo që pretendon Kurti. Me këtë ligj, ata që kishin kryer lëndime të rënda trupore apo kishte kryer vrasje, ishte përjashtuar nga amnistia. Kjo thuhej qartësisht te neni 4, përkatësisht në pikën 1.3.
Për me tepër, nga 1 mijë e 2 qind e 37 veta që përfituan nga ky ligj, 1 mijë ishin shqiptarë, 216 serbë e 21 boshnjak, tregon raporti i Grupit të Politikave në Ballkan.
Vetëm një serb kriminel është amnistuar, edhe atë pasi që është dënuar për krime në Kosovë. Ai është Oliver Ivanoviçi, dhe atë e ka amnistuar Albin Kurti, kur e pati quajtur, ndër të tjera, shembull të bashkëjetesës.
