Kryeministri i Nepalit KP Sharma Olit ka dhënë dorëheqje pas zemërimit të thellë publik në sajë të vrasjes së 22 personave që përlesheshin me policinë gjatë protestave kundër korrupsionit.
Zyra e tij kanë thënë se ai ka dhënë dorëheqje për t’i hapur rrugë një zgjidhjeje kushtetuese protestave masive të udhëhequra nga të rinjtë e vendit rreth pretendimeve të gjera për korrupsion – të nisura pas një ndalimi të rrjeteve sociale.
Protestat u kthyen në të dhunshme ndërsa shumë protestues, që e identifikojnë vetën si Gen Z në sloganet e banderolat e tyre, dolën në rrugë të Kathmandu të hënën.
Gati 200 njerëz besohet të jenë lënduar në përleshje me policinë, e cila ka përdorur gaz lotsjellës bombola uji e plumba gome teksa protestuesit kanë ngjitur muret e parlamentit dhe zyrave të tjera zyrtare.
Protestat vazhduan të martën, me demonstruesit që e kanë vënë nën zjarr ndërtesën e parlamentit, zyrat qendrore të Partisë Kongresi të Nepalit dhe shtëpinë e ish-kryeministrit Sher Bahadur Deuba. Shtëpitë e disa politikanëve të tjerë janë shkatërruar po ashtu.
