Njëzet e gjashtë shtete janë zotuar të ofrojnë garanci të sigurisë për Ukrainën pas luftës, që do të përfshijë forca ndërkombëtare në tokë, det dhe ajër, ka thënë presidenti francez, Emmanuel Macron pas samitit të aleatëve kryesorë të Ukrainës të enjten.
Macron ka thënë se ai, liderë evropianë dhe presidenti ukrainas Volodymyr Zelensky kanë kryer një telefonatë me presidentin amerikan Donald Trump pas samitit dhe se kontributet e SHBA-ve në garancitë e sigurisë do të finalizohen në ditët e ardhshme.
Kur u pyet nëse ai planifikon të flasë me presidentin rus, Vladimir Putin, në të ardhmen e afërt, Trump tha: “Po, do ta bëj. Ne jemi duke pasur një dialog shumë të mirë”.
Takimi i 35 liderëve nga “koalicioni i të vullnetshmëve”, kryesisht të vendeve evropiane, kishte për qëllim të finalizonte garancitë e sigurisë dhe t’i kërkonte Trumpit mbështetjen për të cilën evropianët thonë se është vitale për t’i bërë këto garanci të mundshme.
“Ditën kur konflikti të ndalet, do të vendosen edhe garancitë e sigurisë”, u tha Macron gazetarëve teksa po qëndronte përkrah Zelenskyt në Pallatin Elysee në Paris.
