Forca e Sigurisë së Kosovës gjatë javës së kaluar ka pranuar fluturaket pa pilotë “AeroVironment RQ-20” nga Shtetet e Bashkuara të Amerikës.
Ministri në detyrë i Mbrojtjes, Ejup Maqedonci, ka njoftuar se prokurimi është realizuar përmes programit shtet më shtet, i njohur si Foreign Military Sale (FMS), ndërsa pagesa është bërë në vitin 2021.
“Fluturaket Puma krahas fluturakeve tjera janë një kapacitet tjetër i nevojshëm për rritjen e aftësive të FSK në fushën e sistemeve ajrore pa pilot”, shkroi Maqedonci në platformën sociale Facebook.
Bashkëpunimi me SHBA-në, në fushën e mbrojtjes, ai vlerëson se “po thellohet dhe zgjerohet vazhdimisht, duke kontribuar në zhvillimin e ushtrisë tonë si dhe në arritjen e interesave të përbashkëta të dy vendeve tona”.
