FOTOGRAFITË E DITËS Hapat, tingujt dhe syri i qytetit – një tablo e përditshmërisë në Prishtinë
Ndërsa zhurma zgjedhore vazhdon, qytetarët e kryeqytetit vazhdojnë ritmin e tyre të përditshëm.
Prishtina të dielën do të votojë për të zgjedhur kryetarin për katër vitet e ardhshme. Ndërsa zhurma zgjedhore vazhdon, qytetarët e kryeqytetit vazhdojnë ritmin e tyre të përditshëm: muzikantët luajnë në rrugë, tregtarët shesin librat e tyre, punëtorët e pastrimit kujdesen për qytetin, dhe pensionistët sodisin gjithçka që ndodh rreth tyre.
Shitësi i librave
I rrethuar nga libra, por sytë i ka për një moment në ekran. Telefoni – armiku i heshtur i librit. (Foto: Sejdi Canolli)
Punëtorët e pastrimit
Nga mëngjesi në darkë. Ata që nuk shihen shpesh në fotografi, por që mbajnë Prishtinën të pastër. Megjithatë, pastërtia e qytetit ka qenë temë e betejës zgjedhore për Prishtinën. (Foto: Sejdi Canolli)
Koha që ndalon dhe ajo që ecën
Pensionistë që kalojnë pak kohë duke soditur – dikush me cigare e dikush me telefon – zhurmën e jetës në Prishtinë.(Foto: Sejdi Canolli)
Muzikanti i rrugës
Një saksofon që nuk pushon, mes hapave të qytetit. Meloditë e tij përzihen me zhurmën e sheshit në Prishtinë, duke i dhënë ritëm ditës së zakonshme. (Foto: Sejdi Canolli)
Kërkuesit e lëmoshës
Kërkimi i lëmoshës në shesh vazhdon të jetë një imazh i përditshmërisë në Prishtinë, edhe në ditët e ftohta të vjeshtës dhe dimrit. (Foto: Sejdi Canolli)