Burri i veshur me të zeza, dëshmitari kryesor i rastit të vrasjes së Agon Zejnullahut nga policët në Lipjan ka folur ekskluzivisht për VOX Kosova.
Në një paraqitje të parën dhe të fundit për media, Bleta ka rrëfyer në detaje atë që ndodhi më 7 korrik.
Ai ka treguar se për herë të parë kur pa Agonin atë natë, ai jepte përshtypjen se “nuk ishte vetvetja”.
“Nuk ish kanë vetvetja…i thash hajde të cojë te shpia, ja te doktorri se s’qenke mirë, ja thojke po më vjen dikush, janë t’um ndjek do njerëz me me rrah”, rrëfen ai.
“Oj nanë çka um boni”, ishin fjalët e Agonit gjersa mbi trupin e tij po peshonin pesë zyrtarë policorë.
Një nga ta ia kishte vendosur gjurin në qafë.
“Agoni ka thënë që lenem rahat se nuk kam bërë kurgjo, e ka thirrë oj nanë cka um boni edhe siç shihet në dorën e djathtë kur kanë dashtë me arrestu, ma ia laku ka thënë që s’muni me ma laku as diçka ka përmend që edhe sigurim që ka punu në diskoketa domethonë”, shton Bleta.
Pa ndjenja e pa shenja jete, Agoni ishte futur i prangosur në autoambulancë, me policët që kishin refuzuar t’ia lironin duart.
“Me duar të lidhta, nuk ia kanë zgidh hic, bile e kanë marrë edhe policët e kanë marrë atë far kerrin e kanë shti mrena edhe qaty ka fillu me ju dhënë ndihma e parë”, ka rrëfyer dëshmitari Bleta.
