Fitore Mehmeti, motra e Festim Mehmetit, kandidat i partisë Guxo në zgjedhjet lokale, është emëruar në një pozitë diplomatike në Konsullatën e Përgjithshme të Kosovës në Strasburg të Francës.
Siç ka raportuar gazeta Nacionale, Mehmeti është caktuar në pozitën e Sekretares së Parë, me gradë diplomatike të së njëjtës kategori.
Sipas vendimit të nënshkruar nga ministri i Punëve të Jashtme, Glauk Konjufca, ajo do ta ushtrojë këtë detyrë për një mandat katërvjeçar.
Në vendim thuhet se Mehmeti ka filluar ushtrimin e detyrës më 2 tetor.









