Sot do të mbahet seanca e radhës konstituive e Kuvendit të Kosovës. Në rend të ditës është zgjedhja e nënkryetarit nga radhët e komunitetit jo shumicë serb.
Nenad Rashiç është kandidati që në dy tentativa ka marrë votat e Vetëvendosjes dhe të disa deputetëve të komuniteteve jo shumicë, por përsëri të pamjaftueshme.
Procedura për përzgjedhjen e kandidatit do të aplikohet me short, si në seancat e kaluara, kjo pasi që Lista Serbe nuk propozoi kandidat tjetër pas tri dështimeve të Slavko Simiç-it.
Kryetari i Kuvendit, Dimal Basha, e aplikoi procedurën me short, pasi që tha se një kandidat nuk mund të votohet më shumë se tri herë, duke u thirrur në aktgjykimin e fundit të Gjykatës Kushtetuese.
Nga ana tjetër, Lista Serbe tha se ky aktgjykim nuk vlen për çështjen e nënkryetarëve, prandaj insistuan që kandidat i vetëm i tyre të jetë Simiçi.
