Një person ka humbur jetën dhe dy të tjerë kanë mbetur të lënduar në një aksident trafiku, i cili ka ndodhur të dielën në Kamenicë.
Policia e Kosovës njoftoi që një person është arrestuar, sepse duke drejtuar veturën dyshohet se nga pakujdesia dhe mospërshtatja e shpejtësisë ka humbur kontrollin dhe ka goditur anësoret e metalit.
“Është arrestuar i dyshuari mashkull kosovar pasi i njëjti derisa ishte duke drejtuar veturën dyshohet se nga pakujdesia dhe mospërshtatja e shpejtësisë me kushtet e rrugës ka humbur kontrollin mbi veturë dhe ka dalë jashtë rrugës duke goditur kështu anësoret e metalit. Si pasojë viktima mashkull kosovar/pasagjer në veturë ka ndërruar jetë në vendin e ngjarjes”, thuhet në njoftim të PK-së.
Me vendim të prokurorit, potencohet se trupi i pajetë i viktimës është dërguar në Institutin e Mjekësisë Ligjore për obduksion, ndërsa i dyshuari është dërguar në mbajtje.
