Kryetari i Partisë Demokratike të Kosovës, Memli Krasniqi, ka thënë se Vetëvendosje qëllimshëm po propozon emra për kryeparlamentar, që vinë nga qeveria, vetëm “për ta ezauruar 30-ditëshin e caktuar nga Kushtetuesja”. Kjo siç thotë ai, do të sillte krizë edhe më të thellë politike në vend. Sipas Krasniqit, nëse vazhdohet me të njëjtin avaz, atëherë “zgjedhjet janë të pashmangshme”.
“Normalisht që po shkojmë drejt zgjedhjeve dhe zgjedhjet janë të pashmangshme. Nëse nuk ka vullnet nga ana e partisë së parë me e ba zgjidhjen, atëherë normalisht që zgjedhjet mbesin si opsion. Por mekanizmi për me shku në zgjedhje duhet me ekzistu dhe me u përmbush. Më së lehti dhe shpejti për me shku në zgjedhje është me u konstituar Kuvendi, dhe me u shpërnda legjislatura. Megjithatë, as ajo s’po duket e mundshme për momentin”, potencoi Krasniqi.
Në seancën e sotme, Vetëvendosje, si parti e parë, propozoi ministrin Hekuran Muratin për kryetar Kuvendi. Ai mori 56 vota pro, 52 kundër dhe gjashtë abstenime.
