James Rubin, ish-diplomat amerikan, ka thënë se ish-Sekretarja Amerikane e Shtetit, Madeleine Albright, ishte treguar tejet e ashpër me Hashim Thaçin, atë botë drejtues politik i UÇK-së, i cili fillimisht nuk donte që ta nënshkruante Marrëveshjen e Rambujes.
“Ta ndajmë pak kërcënimin fizik nga kërcënimi moral. Ju nuk kam qenë në dijeni të ketë pasur ndonjë kërcënim fizik, por e di që kjo – ka pasur presion ideologjik pro ose kundër pavarësisë, sepse kjo ishte kryesorja për lëvizjen gjatë luftës. Edhe Madeleine Albright e ka kërcënuar Hashim Thaçin. E ka kërcënuar dhe i ka thënë po nuk nënshkrove, po i lë njerëzit të pambrojtur nga serbët”, tha Rubin.
Në ditën e dytë të dëshmisë së tij si dëshmitar i mbrojtjes në gjyqin ndaj ish-krerëve të UÇK-së, Rubin theksoi se “sigurisht më pas dëgjova që është kërcënuar edhe Adem Demaçi që ishte personi kryesor”.
“Dje më bëtë shumë pyetje për Demaçin… ky ishte një person me status në lëvizjen e tyre. Ky ishte ekuivalenti i Nelson Mandelës madje, që ishte burgosur për shumë e shumë vite dhe kishte një pushtet moral të jashtëzakonshëm në lëvizjen për çlirim”, shtoi ai.
