Prokurorët e Utah janë zotuar të martën se do të ndjekin dënim me vdekje për Tyler Robinson, të akuzuarin e vrasjes së aktivistit konzervativ, Charlie Kirk
Prokurorët kanë zbuluar edhe detaje të reja mbi rastin në fjalë, duke ndarë edhe mesazhe me tekst në të cilat dyshohet se i dyshuari ka rrëfyer për vrasjen privatisht.
“Më ka ardhur në maje të hundës kjo urrejtje”, i shkruante Robinson bashkëjetueses dhe partneres së tij romantike kur u pyet se pse e bëri vrasjen, sipas transkriptove të mesazheve që po i atribuohen të dyshuarit në dokumentet e gjykatës të dorëzuar nga prokurori.
Ai po dyshohet se ka shtënë me një plumb që e goditi Kirik në fyt të mërkurën e kaluar në kampusin e Universitetit Utah Valley në Orem.
Në një konferencë shtypi, prokurori Jeffrey Gray ka thënë se e ka marrë vendimin që ta ndjekë dënimin me vdekje “në mënyrë të pavarur, bazuar vetëm në evidencat e mbledhura dhe rrethanat e natyrën e këtij krimi”.
