Trajnerii KF Dukagjinit, Ismet Munishi, në një intervistë për VOX Kosova ka folur për mënyrën se si, sipas tij, duhet të luajë Kombëtarja e Kosovës kundër Suedisë, në ndeshjen e vlefshme për kualifikimet për Botërorin 2026, që do të zhvillohet sonte në stadiumin “Fadil Vokrri”në Prishtinë.
“Duhet ta rikthejmë besimin. Sot duhet të luftojmë fort që të mos e humbim ndeshjen. Njëjtë është dashur të veprojnë edhe me Zvicrën”, tha Munishi.
“Unë e kam përcjellë ndeshjen Slloveni – Suedi, ku suedezët pothuajse në disa momente e kanë demoluar Slloveninë, por në fund rezultati përfundoi 2 me 2. Sllovenia vuante, por nuk dorëzohej, vuante, nuk dorëzohej. Vuante përballë atij kualiteti”, shtoi.
Më 5 shtator, Kosova u mposht 4:0 në ndeshjen e parë kundër Zvicrës.
