Presidenti i Shteteve të Bashkuara të Amerikës, Donald Trump – ka akuzuar Iranin dhe Izraelin që kanë shkelur armëpushimin, pak kohë pasi e shpalli befasishëm.
“Kemi dy shtete që po luftojnë kaq gjatë dhe kaq ashpër, saqë nuk e dinë se çka dreqi janë duke bërë”, tha Trump para gazetareve teksa u largua nga Shtëpia e Bardhë në drejtim të Samitit të NATO-s.
I pari i SHBA-së, ka theksuar se nuk është i lumtur me sjelljen e Izraelit dhe ka thënë se ky shtet duhet “të qetësohet”.
“Ata duhet të qetësohen. Nuk më pëlqen fakti që Izraeli ka shpërthyer menjëherë pasi bëmë marrëveshjen. Nuk kanë pasur nevojë”, shtoi.
Të dielën e 22 qershorit, ushtria amerikane ka goditur tre objekte bërthamore iraniane. Në anën tjetër, Teherani është zotuar se do të kundërpërgjigjet ashpër.
