Qeveria britanike ka lëshuar një qëndrim zyrtar pas takimit të sotëm mes kryeministrit britanik, Keir Starmer, dhe presidentit ukrainas, Volodymyr Zelensky, në rezidencën zyrtare të kryeministrit në Londër.
Në deklaratë thuhet se “bisedimet në Alaska paraqesin një mundësi të mirë për të shënuar progres, për sa kohë që Putin merr veprime që vërtetojnë se ai është serioz rreth paqes.”
Ndërkohë, presidenti Zelensky ka zhvilluar këtë vizitë në Londër para samitit SHBA–Rusi, një ditë pasi mbajti një takim virtual me presidentin amerikan, Donald Trump, së bashku me partnerët evropianë në Berlin.
