Sulmet izraelite në spitalin Nasser të Gazës kanë lënë të vdekur së paku 15 persona, përfshirë katër gazetarë, një nga të cilët punonte për Reuters, tregojnë zyrtarët shëndetësorë të Palestinës.
Kamermani, Hussam al-Masri, një kontraktor i Reuters, ishte vrarë në goditjen e parë, siç thonë zyrtarët. Fotografi, Hatem Khaled, që ishte po ashtu një kontraktor në Reuters, është lënduar në goditjen e dytë në spital, kanë shtuar ata.
Dëshmitarët thanë se sulmi i dytë ndodhi pasi punonjësit e shpëtimit, gazetarët dhe njerëzit e tjerë nxituan në vendngjarje pas sulmit fillestar. Video e drejtpërdrejtë e Reuters nga spitali, që po mirëmbahej nga Masri, papritmas u ndal në momentin e sulmit fillestar, tregojnë pamjet e Reuters.
“Jemi të shkatërruar të kuptojmë vdekjen e kontraktorit të Reuter, Hussam al-Masri dhe lëndimet e kontraktorit tonë tjetër, Hatem Khaled, në sulmet e Izraelit në spitalin Nasser të Gaza sot”, ka thënë një zëdhënës i Reuters në një deklaratë.
“Ne urgjentisht po kërkojmë informacion dhe kemi kërkuar nga autoritetet në Gaza dhe Izrael të na ndihmojnë të dërgojmë asistencë urgjente mjekësore për Hatem”, ka shtuar zëdhënësi.
