Rusia është akuzuar për bllokim të GPS-it të aeroplanit me të cilin po udhëtonte presidentja e Komisionit Evropian gjatë vizitës së saj në Bullgari të dielën.
Incidenti, së pari raportuar nga the Financial Times, e detyroi aeroplanin të ulet në qytetin e Plovdiv duke përdorur harta letre, në vend të sistemit konvencional elektronik.
“Në mund ta konfirmojmë që ka pasur një bllokim të GPS, por aeroplani u ul suksesshëm në Bullgari. Ne kemi pranuar informacion nga autoritetet bullgare që ata dyshojnë se kjo ka ndodhur si pasojë e një interferimi të hapur nga Rusia”, ka thënë një zëdhënës i Komisionit të hënën.
“Ne jemi të vetëdijshëm dhe disi të mësuar me kërcënimet dhe intimidimet që janë një komponentë e rregullt e sjelljes armiqësore të Rusisë. Kjo vetëm do ta forcojë edhe më tej përkushtimin tonë të palëkundur për të ndërtuar aftësi mbrojtjeje dhe për të ndihmuar Ukrainën”.
