Policia e Kosovës të shtunën ka kryer bastisje në Qendrën Korrektuese të Dubravës me qëllim parandalimin e veprimtarive të kundërligjshme, si dhe forcimin e sigurisë brenda këtij institucioni.
Shërbimi Korrektues i Kosovës ka njoftuar se bastisja ka përfshirë kontrollimin e hapësirave të brendshme të objektit, pra dhomat e të burgosurve, si dhe ato të jashtme, lavanderia, kuzhina, salla e sportit e ambiente të tjera përcjellëse.
Përveç zyrtarëve korrektues, në këtë bastisje janë futur në funksion edhe njësi të tjera, si ai special K9.
Bastisja ka përfunduar pa ndonjë gjetje të jashtëligjshme, bën të ditur SHKK.
