Vetëvendosje është në rënie.
Pas një flirtimi dramatik me sistemin një-partiak, Kosova po kthehet sërish në binarët e pluralizmit.
Ky është një lajm i mirë për Kosovën.
Më 2021 Vetëvendosje pati shkaktuar tërmet.
Fitoi aq shumë vota sa ishte në gjendje e vetme me i formu krejt institucionet.
4 vjet më vonë Vetëvendosje është t’u u kalbë në impotencën e vet.
Sondazhi i fundit i UBO-s tregon që mbështetja është duke i rënë vrullshëm.
Vetëm 37% e qytetarëve do ta votonin Vetëvendosjen nëse zgjedhjet mbahen sot.
Por ma e rëndësishmja në këtë sondazh është se rreth 33% e qytetarëve e fajësojnë VV-në për bllokadën në Kuvend.
Rreth 5-fish më shumë sesa PDK-në dhe LDK-në si dhe 30-fish më shumë sesa AAK-në.
Ama s’përfundon me kaq.
Se VV është t’u u zvogëlu tregon se 60% e votuesve të saj mendojnë se të gjitha partitë, përfshirë Vetëvendosjen, janë barabarsisht fajtore për bllokadën.
Kjo është prova që rrëfimi që i dha jetë i VV-së se… “na jena ndryshe prej tjerëve” nuk i bind ma as votuesit e vet.
Steven Levitsky, një studiues i demokracisë, thotë se partitë autoritare me mbështetje të lartë janë shumë më të rrezikshme.
Kjo u pa në Venezuelë me Chávezin, në Hungari me Orbanin, dhe në Rusi me Putinin.
E, kur një lider autoritar ka mbështetje të ulët si Pedro Castillo në Peru Yoon Suk-yeol në Kore të Jugut ose Presidenti i Brazilit Jair Bolsonaro, rreziku për autokraci është më i vogël.
Prandaj rënia e VV-së është fitore e demokratëve të Kosovës mbi planet për autokraci.
Në dokumentin e titulluar “Mbi organizimin politik” që Albin Kurti e kishte shkru për Vetëvendosjen pati bërë të qartë planin për kapjen totale të pushtetit dhe shtetit:
“Veç VETËVENDOSJE! don ta marrë pushtetin”, thoshte ai.
Sipas tij, partitë tjera në Kosovë nuk duan ta marrin pushtetin. Ato veç dojnë me marrë pjesë në pushtet.
Poashtu, ky dokument është edhe doracaku me të cilin sot ka bllokuar institucionet.
Aty shkruante se VV mundet me marrë dhe me mbajtë pushtetin vetë përmes gjendjes së jashtëzakonshme.
Mirëpo, siç tregojnë numrat e fundit, Kosova jo vetëm që po i thotë “JO!” këtij plani por edhe po e shkelmon atë.
