Policia e Kosovës një tentim kontrabande me migrantë të paligjshëm të dielën e 24 gushtit, në afërsi të pikëkalimit kufitar mes Kosovës dhe Serbisë, në Jarinjë.
Njësia për Ndërhyrje të Shpejtë ndaloi një autobus të linjës Mitrovicë–Beograd me targa të huaja (NP), ku përveç tetë udhëtarëve të rregullt, në katin e dytë u gjetën 18 shtetas të huaj pa të drejtë hyrjeje apo kalimi në territorin e Kosovës.
Hetimet treguan përfshirjen e pronarit të kompanisë, G. A., dhe shoferit B. D., të cilët u arrestuan. Migrantët e ndaluar ishin palestinezë, bangladeshas dhe egjiptianë, të cilët synonin kalimin drejt Serbisë dhe BE-së.
Në njoftimin e policisë bëhet me dije se të dyshuarit janë intervistuar në prezencën e avokatëve mbrojtës dhe janë dërguar në mbajtje. Policia tha se mbetet e përkushtuar në luftën kundër kontrabandës me njerëz dhe migrimit të paligjshëm.
