Deputeti i PDK-së, Ferat Shala, e ka quajtur “misionar të Qeverisë Kurti” Mentor Hysenin, Drejtorin e ri të Administratës Tatimore të Kosovës (ATK).
“Ky misionar i Qeverisë Kurti, gjegjësisht i kryeministrit nga AKP-ja, të cilën për katër vite rresht nuk e mbylli, që e kishte mision të VV-së, tani vjen në krye të ATK-së për të vazhduar të njëjtën logjikë goditëse ndaj biznesit dhe ekonomisë, por njëkohësisht duke kryer detyra politike të VV-së, siç i ka kryer në AKP”, thekson ai në një deklaratë për VOX Kosova.
Ai shtoi se ky është shembull i taktikës së pushtetit për të vendosur “njerëz të dëgjueshëm” në sektorët që lidhen me bizneset private. Shala i konsideroi “tepër të dëmshme” për ekonominë këto veprime.
“1300, 1400 [biznese] sa i ka goditur në sektorin e energjisë, e tash po do edhe një goditje tjetër me i dhënë me vendosjen e njerëzve të cilët janë të dëgjueshëm”, potencon ai.
