Lidhja Demokratike e Kosovës (LDK) nuk do të votojë asnjë kandidat të Lëvizjes Vetëvendosje për Kryetar Kuvendi, ka thënë deputeti i kësaj partie, Alban Zogaj.
“Qëndrimi i LDK-së është i qartë, ne nuk kemi votë për VV-në, aktualisht. Pa marrëveshje politike nuk ka votë për VV-në, por ta shohim si do të veprojnë partitë politike në Kuvend nesër”, ka thënë Zogaj në një deklaratë për VOX Kosova.
Për Zogajn dhe subjektin që ai përfaqëson është e rëndësishme që VV-ja ta respektojë aktgjykimin e Gjykatës Kushtetuese dhe të kthehen në rend të ditës.
Kuvendi i Kosovës ka njoftuar se vazhdimi i seancës konstituive do të mbahet nesër (e mërkurë), duke filluar nga ora 11:00.
