Nisma Socialdemokrate do të garojë e vetme në zgjedhjet nacionale të 28 dhjetorit. Kjo parti, pak minuta para se të mbyllet afati, ka aplikuar në Komisionin Qendror të Zgjedhjeve për pjesëmarrje në zgjedhjet e 28 dhjetorit. Lajmin për VOX Kosova e ka konfirmuar Valmir Elezi, zëdhënës i KQZ-së.
Nisma, partia që drejtohet nga Fatmir Limaj, ka pasur diksutime me LDK-në për një koalicion eventual parazgjedhor. Madje kreu i LDK-së, Lumir Abdixhiku, e kishte lënë të hapur mundësinë që Nisma të bëhej pjesë e listës së partisë që ai drejton.
Diskutime për koalicion Nisma kishte pasur edhe me PDK-në, mirëpo në fund nuk e ka gjetur gjuhën e përbashkët me asnjërën nga këto parti dhe ka aplikuar për të garuar e vetme.
Ndryshe, Elezi njoftoi se deri më tani, 23 subjekte politike, prej të cilave, 3 koalicione, 17 parti politike, 2 iniciativa qytetare dhe 1 kandidat i pavarur, kanë aplikuar për të marrë pjesë në zgjedhjet e parakohshme për Kuvendin e Kosovës.
Këto janë partitë politike që kanë aplikuar deri më tani në KQZ:
Koalicionet:
1. Koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”;
2. Koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV); dhe
3. Koalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).
Partitë politike:
4. LIDHJA DEMOKRATIKE E KOSOVËS – LDK;
5. PARTIA DEMOKRATIKE E KOSOVËS – PDK:
6. Kosovaki Nevi Romani Partia;
7. JEDINSTVENA GORANSKA PARTIJA;
8. Za Slobodu Pravdu i Opstanak;
9. KOSOVA DEMOKRATIK TÜRK PARTISI;
10. PARTIA LIBERALE EGJIPTIANE;
11. PARTIA ROME E BASHKUAR E KOSOVËS;
12. SOCIALDEMOKRATSKA UNIJA – SDU;
13. SRPSKA LISTA;
14. INICIATIVA E RE DEMOKRATIKE E KOSOVËS;
15. FJALA;
16. NOVA DEMOKRATSKA STRANKA – NDS;
17. LËVIZJA PËRPARIMTARE E ROMËVE TË KOSOVËS (LPRK);
18. ALEANCA PËR ARDHMËRINË E KOSOVËS (AAK);
19. KOSOVSKI SAVEZ; dhe
20. NISMA SOCIALDEMOKRATE.
Iniciativat qytetare:
21. PËR SOCIALDEMOKRATËT E ASHKALINJËVE; dhe
22. INICIATIVA QYTETARE PËR KOSOVË.
Kandidatët e pavarur:
23. NEDŹMIDIN SEJDILAR;









