Pas publikimit të aktgjykimit të Gjykatës Kushtetuese, kryeministri në detyrë Albin Kurti – partia e të cilit Lëvizja Vetëvendosje nuk po arrin ta zgjedh kryetarin e Kuvendit, ka ftuar në takim liderët e partive opozitare.
“U jam drejtuar të gjithë krerëve të subjekteve të përfaqësuara në legjislaturën e nëntë, me ftesë për takim të përbashkët të shtunën (nesër) në orën 16:00, në përpjekje të radhës në funksion të konsensusit për konstituim të Kuvendit”, ka shkruar Kurti në Facebook.
Teksa ka folur për aktgjykimin e kushtetueses, Kurti ka theksuar se thekson qartë se obligimi për ta konsitutuar Kuvendin është obligim i të gjithë deputetëve dhe jo vetëm i subjektit të parë.
Gjykata Kushtetuese të enjten ka vendosur se deputetët e legjislaturës së re janë të obliguar që jo më vonë se brenda 30 ditësh ta përfundojnë seancën konstituive të Kuvendit, duke i zgjedhur kryetarin dhe nënkryetarët.
