Një gazetë e re e ekstremit të djathtë, White Prison Newsletter (shqip: Buletini i Burgut të Bardhë), së fundmi ka filluar të fitojë tërheqje në rrethe ektremiste. Publikimi i tij së pari u lajmërua në The American Futurist, një site akselerationist i themeluar nga ish anëtarë të Atomwaffen Division – një organizatë neo-naziste tanimë jofunksionale e lidhur me një numër vrasjesh dhe planesh për sulme terroriste.
Siç lexuesit më të mprehtë kanë arritur të kuptojnë deri tani, ky buletin përpiqet të arrijë tek të burgosurit e ekstremit të djathtë në qelitë e tyre, në formë digjitale apo të printuar.
Në WPN (shkurtesa e buletinit), neo-nzaistët e deklaruar apo thjesht të burgosurit kuriozë me fashizmin do të gjejnë të gjitha llojet e karakteristikave, përfshirë një listë me rekomandime për lexim, opinione të shkruara nga të burgosurit (shpesh me pseudonime) e edhe një fjalëkryq.
Sipas kanalit të WPN në aplikacionin Telegram, një nga kontribut dhënësit kryesor është themeluesi i Atomwaffen Division, Brandon Russell, i cili ishte i përfshirë në rrjete digjitale propaganduese me shumë influencë në Terrorgram Collective. Russell aktualisht është duke kryer një dënim prej 20 vjetësh burg për komplot të planifikuar për shpërthimin e rrjetit të energjisë në Baltimore më të dashurën e tij, Sarah Beth Clendaniel, e cila po kryen 18 vjet burg.
Kuptueshëm, Russell ka kaluar një pjesë të madhe të jetës së tij prapa grilave dhe ai ka një histori në përdorimin e kohës së lirë për shtyrjen para të agjendës së tij. Më 2018, pasi u burgos për akuza për eksplozivë federalë, ai xhiroi një video në të cilën falënderonte shokët për “besnikërinë dhe trimërinë e pashuar”, ndërsa lëshoi kërcënime ndaj atyre që e tradhtuan Atomwaffen Division.
Ndërsa dy seritë e para të ËPN mbulojnë tema të ndryshme, e treta fokusohet fuqishëm në akselerationizmit të ekstremit të djathtë. Një ideologji antisemitike që promovon besimin se shoqëria moderne është pariparueshëm e thyer dhe e kontrolluar nga figura të liga që i detyrojnë njerëzit e bardhë të “përziejnë racën”, akselerationizmi lufton për shembjen e asaj shoqërie nëpërmjet sulmeve terroriste. Mbi gjysma e serisë së tretë i kushtohet një eseje që, edhe pse me gjuhë abstrakte për tu shmangur thirrjeve direkte për dhunë, tenton të shpjegojë dhe promovojë ideologjinë e akselerationizmit.
Publikimi duket të jetë i pranueshëm nga figura udhëheqëse mes ekstremit të djathtë. Një postim në Telegram së fundi shfaqte një screenshot të një mesazhi të supremacistit Robert Bowers, i cili aktualisht është i dënuar me vdekje për vrasjen e 11 adhuruesve në sinagogën e Pitsburgut në tetor të vitit 2018. Në përgjigjem ai komenton kualitetin e gazetës. Duket se WPN e ftoi atë të kontribuojë, duke qenë se në komentet e tij thotë se ai “nuk është edhe aq shkrimtar”.
